Тропар, глас 4.
Днесь вселенная радуєтся, ібо на престолі Серце Спасителя в пламени огненнім зрится, всіх призивающи ко Божественному пристанищу, ідіже болізни душ і тілес ісціляются, сего ради призови і нас, Спасе, презирая наша согрішенія.

Глас 2. подобен: Єгда от древа:
Ко всім взиваєши, Ісусе: Прийдіте ко мні, всі труждающіїся і обремененнії, і аз упокою ви: сего ради воспівающи щедроти Твоя мили Тебі діємся, отверзи нам двер Сердца Твоєго, в немже заключені свободимся от всякія напасти, скорби і нужди і свишняго мира сподобимся.

Глас 8. подобен.
Радуйся, Сердце сладчайшеє, пламень попаляющ гріхи наша, Тебе молим, сотвори, да душа наша окаянная, душа страстная ужаснется, зрящи преславная Твоя таїнства і со вірою і упованієм воспіваєт: "Дивен єси, Ісусе, во всіх діліх Твоїх, предивен в откровенію Сердца Твоєго".

Священик: Владико многомилостиве, Господи Ісусе Христе, Боже наш, что Ти воздадем за толикую любов Сердца Твоєго, єюже вінчал єси нас? Ісповідуєм, яко вси должни єсми воздаяти Тебі любов за любов: но о студенности і злоби сердец наших, іже в жажді Сердца Твоєго о спасенії нашем, напаяєм Тя паки оцтом і желчію нерадінія і беззаконій наших. Обаче, понеже в сих послідних временах невірства і растлінія нравов благоволил єси открити нам богатство любве Твоєго пламеннаго, раненаго, тернієм вінчаного і крестом завершеного Сердца і обіщал єси не полатати ктому преділа в раздаянії благодатій Твоїх небесних, всім притекающим к нему: сего ради, одушевляєми толиким человіколюбієм Твоїм, со упованієм і благоговінієм приступаєм ко Святійшому Сердцу Твоєму, ко сему престолу преізобилния благодаті Божія, і просим, і молим, і милися дієм, преміни молитвами Непорочнозачатия Твоєї Матері, студенность нашого сердца в горящую любов; сокруши духом Твоїм святим сердца наша, даруй слези покаянія і умиленія, прости беззаконія наша і подаждь нам ісправленіє постоянноє житія; яко да в любві Твоєй живем, і в любві Твоєй умрем і в любві Твоєй сподобимся лицезрінія і любви Святия Тройци со святими Твоїми в безконечния віки віков.

Священик: От Сердца всю благодать істочивий спасенія нашего ради Христос істинний Бог наш, молитвами Пречистая своєя Матери преблагословенния і Непорочнозачатия Діви Марії, св. Иосифа Єя Обручника, заступленьми честних небесних сил безплотних і всіх святих (тут робить на собі знак святого хреста, водночас закінчуючи): помилуєт і спасет нас яко благ і человіколюбец.

Священик: Наймилостивіше Серце Ісуса, незглибимий істочнику милосердя і благодати, потіш плачущих і опущених, рятуй нещасних, наверни безбожників, опам'ятай і двигни упавших і налогових грішників і пощади всіх нас, грішних.

Священик: Найсолодше Серце Ісуса, правдиве щастя і упокоєння праведних і святих душ, потіш і помилуй душі страждущі в чистилищі, а передусім найбільше опущених і тих, що найбільше потребують помочі.

Теба, Бога, хвалим, Тебе, Господа, ісповідуєм. Тебе, Предвічного Отця, вся земля величаєт. Тебе всі Ангели, Тебі небеса і вся сили, Тебі Херувими і Серафими непрестанними гласи взивають: Свят, Свят, Свят Господь Бог Саваофт, полни суть небеса і земля величества слави Твоєя. Тебе преславний Апостольський лик, Тебе пророческоє прехвальноє число, Тебе хвалить пресвітлоє мученическоє воїнство, Тебе по всій вселенній ісповідуєт святая Церков. Отца непостижимаго величества, покланяємаго Твоєго істиннаго і єдинороднаго Сина і святаго Утішителя Духа. Ти Цар слави, Христе, Ти Отца присносущний Син єси. Ти ко ізбавленію пріємля человіка, не возгнушался єси Дівическаго чрева. Ти одолів смерти жало, отверзл єси вірующим царство небесноє, Ти одесную Бога сідиши во славі Отчей, судія віришися прійти. Тебе убо просим: помози рабам Твоїм, їхже честного кровію іскупил єси: і сподоби со Святими Твоїми в вічной славі Твоєй царствувати. (Якщо далі має йти благословення Найсвятішими Тайнами, тоді священик співає: Спаси люди Твоя, Господи... і т. д., як попередньо було сказано).