СВЯТА ЛІТУРГІЯ ЙОАНА ЗОЛОТОУСТОГО


Священик після відправи Проскомидії і вступних молитов співає голосно:

Благословенно царство Отца і Сина і Святаго Духа, нині і присно і во віки віков.
Хор: Амінь.

Єктенія мирна

Священик: Миром Господу помолімся.
Хор після кожного прошения співає:
Господи, помилуй.
О свишнім мирі, і спасенії душ наших, Господу помолімся.
О мирі всего міра, і благостоянії святих Божіїх церков, і соєдиненії всіх, Господу помолімся.
О святім храмі сем, і іже со вірою, благоговінієм і страхом Божіїм входящих в онь, Господу помолімся.
О святійшем вселенстім Архиєреї нашем (ім'я) Папі Римстім, Господу помолімся.
О Преосвященнійшем Архиєпископі (і Митрополиті нашем) Кир (ім'я) і о боголюбивім Єпископі нашем Кир (ім'я); честнім пресвитерстві, во Христі дия-констві, о всем причті і людех, Господу помолімся.
О богохранимім Імператорі (королі) нашем (або: О предержащих властех наших) і о всем воїнстві, Господу помолімся.
О граді сем (О веси сей, або: О святій обителі сей), всяком граді, страні, і вірою живущих в них, Господу помолімся.
О благорастворенії воздухов, о ізобилії плодов земних, і временіх мирних, Господу помолімся.
О плавающих, путешествующих, недугующих, страждущих, пліненних, і о спасенії їх, Господу помолімся.
(Тут додаються часами ще й інші прошения).
О єже ізбавитися нам от всякія скорби, гніва, біди і нужди, Господу помолімся.
Заступи, спаси, помилуй і сохрани нас, Боже, Твоєю благодатію.
Пресвятую, пречистую, преблагословенную, славную Владичицу нашу Богородицу і Приснодіву Марію со всіми Святими помянувше, сами себе і друг друга, і весь живот наш Христу Богу предадім.
Хор: Тебі, Господи.
Яко подобает Тебі всякая слава, честь і поклоненіє, Отцу і Сину і Святому Духу, нині і присно і во віки віков.
Хор: А мшь.

АНТИФОН І
Недільний:
Воскликніте Господеві вся земля, пойте же імени Єго, дадіте славу хвалі Єго.
Молитвами Богородици, Спасе, спаси нас.
Рціте Богу: коль страшна діла Твоя, во множестві сили Твоєя солжут Тебі врази Твої.
Молитвами Богородици, Спасе, спаси нас.
Вся земля да поклонится Тебі, і поет Тебі, да поет же імени Твоєму Вишній.
Молитвами Богородици, Спасе, спаси нас.
† Слава... І нині...
Молитвами Богородици, Спасе, спаси нас.

Повседневний
Благо єсть ісповідатися Господеві і піти імени Твоєму, Вишній.
Молитвами Богородици, Спасе, спаси нас. Возвіщати заутра милость Твою, і істину Твою на всяку нощ.
Молитвами Богородици, Спасе, спаси нас. Яко прав Господь Бог наш, і ність неправда в Нем.
Молитвами Богородици, Спасе, спаси нас.
Слава... І нині...
Молитвами Богородици, Спасе, спаси нас.

Єктенія мала
Паки і паки миром Господу помолімся.
Хор: Господи, помилуй.
Заступи, спаси, помилуй і сохрани нас, Боже, Твоею благодатію.
Хор: Господи, помилуй.
Пресвятую, пречистую, преблаго-словенную, славную Владичицу нашу Богородицу і Приснодіву Марію со всіми Святими помянувше, самі себе і друг друга і весь живот наш Христу Богу предадім.
Хор: Тебі, Господи.
Яко Твоя держава, і Твоє єсть царство, і сила, і слава Отца і Сина і Святаго Духа, нині і присно і во віки віков. 
Хор: Амінь.

АНТИФОН II
Недільний
Боже, ущедри ни, і благослови ни, просвіти лице Твоє на ни, і помилуй ни.
Спаси нас, Сине Божий, воскресни із мертвих, поющія Ти: Аллилуя.
Познати на землі путь Твой, во всіх язиціх спасеніє Твоє. Спаси нас, Сине Божий ...
Да ісповідятся Тебі людіє, Боже, да ісповідятся Тебі людіє всі.
Спаси нас, Сине Божий ...

Повседневний
Господь воцарися, в ліпоту облечеся, облечеся Господь в силу і препоясася.
Молитвами Святих Твоїх, Спасе, спаси нас.
Ібо утверди вселенную, яже не подвижится.
Молитвами Святих Твоїх ...
Свидінія Твоя увіришася зіло, дому Твоєму подобает святиня, Господи, в долготу
дній.
Молитвами Святих Твоїх ...
† Слава Отцу і Сину і Святому Духу, і нині і присно і во віки віков. Амінь.
Єдинородний Сине, і Слове Божий, безсмертен сий, і ізволивий спасенія нашего ради воплотитися (схилити голову) от Святия Богородици і Приснодіви Марії, непреложно вочеловічивиися, распнийся же Христе Боже, смертію смерть поправий, един сий Святия Тройци, спрославляемий Отцу і Святому Духу, спаси нас.

Єктенія мала
Паки і паки миром Господу помолімся.
Хор: Господи, помилуй.
Заступи, спаси, помилуй і сохрани нас, Боже, Твоєю благодатію.
Пресвятую, пречистую, преблагословенную, славную Владичицу нашу Богородицу і Приснодіву Марію, со всіми Святими помянувше, самі себе, і друг друга, і весь живот наш Христу Богу предадім.
Хор: Тебі, Господи.
Яко благ і человіколюбец Бог єси, і Тебі славу возсилаєм, Отцу і Сину і Святому Духу, нині і присно і во віки віков.
Хор: Амінь.

АНТИФОН III
Прийдіте возрадуемся Господеві, воскликнім Богу, Спасителю нашему.
В неділю: Спаси нас, Сине Божий, воскресни із мертвих, поющія Ти: Аллилуя.
В будний день: Спаси нас, Сине Божий, во святих дивен сий, поющія Ти: Аллилуя.
Предварім лице Єго во ісповіданії, і во псальміх воскликнім Єму. Спаси нас, Сине Божий ...
Яко Бог велій Господь, і Цар велій по всей землі. Спаси нас, Сине Божий ...

Коли Хор співає цей антифон, священик робить малий вхід з Євангелієм і, прийшовши до царських врат, співає:
Премудрость, прості!
Хор: Прийдіте поклонімся і припадем ко Христу.
Спаси нас, Сине Божий ...
Хор співає Тропарі і Кондаки. Священик молиться тихо, а відтак голосить:
Яко свят єси, Боже наш, і Тебі славу возсилаєм, Отцу і Сину і Святому Духу, нині і присно і во віки віков.
Хор: Амінь.
І співає Трисвяте:
Святий Боже, Святий Кріпкий, Святий Безсмертний, помилуй нас (3).
Слава: І нині:
Святий Безсмертний, помилуй нас.
Святий Боже, Святий Кріпкий, Святий Безсмертний, помилуй нас.
Священик: Воньмім. Мир † всім. Премудрость, воньмім.
Хор співає прокімен. В неділю воскресний рядового гласа, в празник -празничний.
Священик: Премудрость!
Чтець читає заголовок Апостола.
Священик: Воньмім!
Чтець читає Апостола. Люди сідають. Після Апостола священик тихо:
Мир Ти.
Люди стають. Хор співає "Аллилуя" зі стихами. Священик кадить престіл, образи і людей, а відтак співає:
Священик: Премудрость, прості, услишим Святаго Євангелія, от (імярек) Святаго Євангелія чтеніє.
Хор: Слава Тебі, Господи, слава Тебі.
Священик: Воньмім!
І читає Євангеліє. Після закінчення читання Євангелія Хор співає:
Слава Тебі, Господи, слава Тебі.

Єктенія сугуба
Рцім всі от всея душі і от всего помишленія нашего рцім.
Хор: Господи, помилуй.
Господи Вседержителю, Боже отец наших, молимтися, услиши і помилуй.
Хор: Господи, помилуй.
Помилуй нас, Боже, по велицій милости Твоей, молимтися, услиши і помилуй.
Хор: Господи, помилуй (3).
Священик молиться тихо, а опісля:
Єще молимся о святійшем вселенстім Архиєреї нашем (імярек) Папі Римстім, і о Преосвященнійшем Архиєпископі (і Митрополиті) нашем Кир (імярек), і о боголюбивім Єпископі нашем Кир (імярек), о служащих і послуживших во святім храмі сем і о отціх наших духовних, і всей во Христі братії нашей.
Хор: Господи, помилуй (3).
(Тут додаються часом й інші прошения).
Єще молимся о предстоящих людех, ожидающих от Тебе великія і богатия милости, за творящих нам милостиню, і за вся християни.
Хор: Господи, помилуй (3).
Яко милостив і человіколюбец Бог єси, і Тебі славу возсилаєм, Отцу і Сину і Святому Духу, нині і присно і во віки віков.
Хор: Амінь.

Єктенія о оглашенних
Помолітеся, оглашеннії, Господеві.
Хор після кожного прошения співає:
Господи, помилуй.
Вірнії, о оглашенних помолімся, да Господь помилует їх.
Огласит їх словом істини.
Откриєт їм Євангеліє правди.
Соединит їх святій своей, соборній і апостольстій Церкві.
Спаси, помилуй, заступи і сохрани їх, Боже, Твоєю благодатію.
Оглашеннії, глави ваша Господеві приклоніте.
Священик читає тихо молитву оглашенних, а після молитви співає голосно:
Да і тії с нами славят пречестноє і великоліпоє Імя Твоє, Отца і Сина і Святаго Духа, нині і присно і во віки віков.
Хор: Амінь.
Єлици оглашеннії ізидіте, оглашеннії ізидіте, єлици оглашеннії ізидіте, да нікто от оглашенних, єлици вірнії, паки і паки миром Господу помолімся.
Хор: Господи, помилуй.
Священик читає тихо першу молитву вірних, а відтак співає голосно:
Заступи, спаси, помилуй і сохрани нас, Боже, Твоєю благодатію.
Хор: Господи, помилуй,
Премудрость! Яко подобает Тебі всякая слава, честь і поклоненіє, Отцу і Сину і Святому Духу, нині і присно і во віки віков.
Хор: Амінь.
Паки і паки миром Господу помолімся.
Хор: Господи, помилуй.
Священик читає тихо молитву, а відтак голосно:
Заступи, спаси, помилуй і сохрани нас, Боже, Твоєю благодатію.
Хор: Господи, помилуй.
Премудрость! Яко да под державою Твоєю всегда хранимі, Тебі славу возсилаєм, Отцу і Сину і Святому Духу,
Хор: Амінь.
Священик читає тихо молитву, потім кадить престіл, образи і людей, а Хор
співає:
Іже Херувими тайно образующе, і животворящей Тройці трисвятую піснь припівающе, всякое нині житейское отложим попеченіє (печаль).

Вхід з чесними дарами

Святійшаго вселенскаго Архиерея нашего (імя) Папу Римскаго, Преосвященнійшаго Архиепископа (і Митрополта) нашего Кир (ім'ярек) і боголюбиваго Єпископа нашего Кир (ім'ярек) і весь священническій, діяконскій і іноческій чин, богохранимаго Імператора (або: Короля) нашего (імя; або: предержащія власти наша) і все воїнство, благородних і присно-поминаємих ктиторей і благодітелей святаго храма сего, і всіх вас, християн, да помянет Господь Бог во царствії своем, всегда, нині і присно і во віки віков.
Хор: Амінь. Яко да царя всіх подимем, ангельскими невидимо дориносима чиньми. Аллилуя (3).

Єктенія просительна

Ісполнім молитву нашу Господеві.
Хор: Господи, помилуй.
О предложенних честних даріх, Господу помолімся.
О святім храмі сем, і іже со вірою, бла-гоговінієм і страхом Божіїм входящих в онь, Господу помолімся.
О єже ізбавитися нам от всякія скорби, гніва, біди і нужди, Господу помолімся.
Священик читає молитву, а потім:
Заступи, спаси, помилуй і сохрани нас, Боже, Твоєю благодатію.
Хор: Господи, помилуй.
Дне всего совершенна, свята, мирна і безгрішна, у Господа просім.
Хор після кожної просьби співає:
Подай, Господи.
Ангела мира, вірна наставника, хранителя душ і тілес наших, у Господа просім.
Прощенія і оставленія гріхов і прегрішеній наших, у Господа просім.
Добрих і полезних душам нашим і мира мірови, у Господа просім.
Прочее время живота нашего в мирі і покаянії скончати, у Господа просім.
Християнскія кончини живота нашего безболізнени, непостидни, мирни, і добраго отвіта на страшнім судищі Христові, просім.
Пресвятую, пречистую, преблагос-ловенную, славную Владичицу нащу Богородицу і Приснодіву Марію, со всіми святими помянувше, самі себе і друг друга і весь живот наш Христу Богу предадім
Хор: Тебі, Господи.
Щедротами единородного Сина Твоего, с ним же благословен єси, со пресвятим і благим і животворящим Твоїм Духом, нині і присно і во віки віков.
Хор: Амінь.
Мир † всім.
Хор: І Духови Твоєму.
Возлюбим друг друга, да єдиномислієм ісповіми.
Хор: Отца і Сина і Святаго Духа, Тройцу святую єдиносущную і нераздільную.
Двері, двері, премудростію воньмім.
Чтець читає:
Вірую во єдинаго Бога Отца вседержителя, Творца неба і земли, видимих же всіх і невидимих.
І в єдинаго Господа Ісуса Христа, Сина
Божія єдинороднаго, іже от Отца рожденнаго прежде всіх вік.
Світа от світа, Бога істинна от Бога істинна, рожденна, не сотворенна, єдиносущна Отцу, імже вся биша.
Нас діля человік і нашего ради спасенія сшедшаго с небес і воплотившагося (поклін) от Духа Свята і Марії Діви і вочеловічшася.
Распятаго же за ни при Понтійстім Пилаті і страдавша, і погребенна, і воскресшаго в третій день по писанієм.
І возшедшаго на небеса, і сідящаго одесную Отца і паки грядущаго со славою судити живим і мертвим, єгоже царствію не будет конца.
І в Духа Святаго, Господа, живот-ворящаго, іже от Отца і Сина ісходящаго, іже со Отцем і Сином спокланяєма і сославима глаголавшаго Пророки.
Во єдину, святую, соборную і апостольскую Церков. Ісповідую єдино крещеніє во оставленіє гріхов. Чаю воскресенія мертвих.
І жизни будущего віка. Амінь.

Станім добрім, станім со страхом, воньмім святоє возношеніе в мирі приносити.
Хор: Милость мира, жертву хваленія.
Благодать Господа нашего Ісуса Христа, і люби Бога і Отца, і причастіє Святаго Духа, буди † со всіми вами.
Хор: I со Духом Твоїм.
Горі іміїм сердца.
Хор: Імами ко Господу.
Благодарім Господа.
Хор: Достойно і праведно єсть покланятися Отцу і Сину і Святому Духу, Тройці Святій єдиносущній і нераздільній.
Священик молиться тихо, а потім співає:
Побідную піснь поюще, вопіюще, взивающе і глаголюще.
Люди клякають. Служачий дзвонить три рази по три, а Хор співає:
Хор: Свят, свят, свят Господь Саваот, ісполнь небо і земля слави Твоєя; осанна во вишних. Благословен грядий во ім'я Господнє, осанна во вишних.
Коли священик благословить хліб, служачий дзвонить 3 рази.
Прийміте, ядіте, СІЄ ЄСТЬ ТІЛО МОЄ, еже за ви ломимоє во оставленіє гріхов.
Служачий давонить один раз.
Хор: Амінь.
Пійте от нея вси, СІЯ ЄСТЬ КРОВ МОЯ НОВАГО ЗАВІТА, яже за ви і за многи ізливаємая во оставленіє гріхов.
Служачий дзвонить один раз.
 Хор: Амінь.
Твоя от Твоїх Тебі приносим о всіх і за вся.
Служачий дзвонить три рази.
Хор: Тебе поем, Тебе благословим, Тебе благодарим, Господи, і молимтися, Боже наш.
Священик молиться тихо, опісля співає:
Ізрядно о пресвятій, пречистій, преблагословенній, славній Владичиці нашей Богородиці і Приснодіві Марії.
Хор: Достойно єсть яко воістинну блажити тя Богородицу, присноблаженную і пренепорочную і Матер Бога нашего. Честнійшую Херувим і славнійшую без сравненія Серафим, без істлінія Бога Слова рождшую, сущую Богородицу тя величаєм.
Священик молиться тихо, опісля співає:
Во первих помяни, Господи, святійшаго вселенскаго Архиерея нашего (ім'я) Папу Римскаго, Преосвященнійшаго Архиепископа (і Митрополита) нашего Кир (ім'я), боголюбиваго Єпископа нашего Кир (ім'я), їхже даруй святим Твоїм церквам, в мирі, цілих, честних, здравих, долгоденствующих, правоправящих слово Твоєя істини.
Хор: І всіх і вся.
І даждь нам єдиніми усти і єдинім сердцем славити і воспівати пречестноє і великоліпоє ім'я Твоє, Отца і Сина і Святаго Духа, нині і присно, і во віки віков.
Хор. Амінь.
І да будут милости великаго Бога і Спаса нашего Ісуса Христа † со всіми вами.
Хор: І со Духом Твоїм.

Єктенія просительна
Вся святия помянувше, паки і паки миром Господу помолімся.
Хор після кожного прошения:
Господи, помилуй.
О принесених і освящених честних Даріх, Господу помолімся.
Яко да человіколюбец Бог наш, прієм я во святий і пренебесний і мисленний свой жертвенник, в воню благоуханія духовнаго, возниспослет нам божественную благодать і дар Святаго Духа, помолімся.
О єже ізбавитися нам от всякія скорби, гніва, біди і нужди, Господу помолімся.
Священик молиться тихо, опісля співає:
Заступи, спаси, помилуй і сохрани нас, Боже, Твоєю благодатію.
Хор: Господи, помилуй.
Дне всего совершенна, свята, мирна і безгрішна, у Господа просім.
Хор після кожного прошения співає:
Подай, Господи.
Ангела мира, вірна наставника, хранителя душ і тілес наших у Господа просім.
Прощенія і оставленія гріхов і прегрішеній наших, у Господа просім.
Добрих і полезних душам нашим і мира мірови, у Господа просім.
Прочее время живота нашего в мирі і покаянії скончати, у Господа просім.
Христіянскія кончини живота нашего, безболізнени, непостидни, мирни, і добраго отвіта на страшнім судищі Христові, просім.
Соєдиненіє віри і причастіє Святаго Духа іспросивше, самі себе, і друг друга, і
весь живот наш Христу Богу предадім.
Хор: Тебі, Господи.
І сподоби нас, Владико, со дерзновенієм неосужденно сміти призивати Тебе небеснаго Бога Отца, і глаголати:
Хор співає:
Отче наш, іже єси на небесіх, да святится ім'я Твоє, да прийдет царствіє Твоє, да будет воля Твоя, яко на небеси і на земли. Хліб наш насущний даждь нам днесь і остави нам долги наша, якоже і ми оставляєм должником нашим, і не введи нас во іскушеніє, но ізбави нас от лукаваго.
Священик: Яко Твоє єсть царство, і сила, і слава Отца і Сина і Святаго Духа, нині і присно і во віки віков.
Хор: Амінь.
Мир † всім.
Хор: І Духови Твоєму.
Глави ваша Господеви приклоніте.
Хор: Тебі, Господи.
Служачий бере в ліву руку підставку і рушничок, а в праву сосудець з водою і поливає пальці священика.
Благодатію і щедротами, і человіколюбієм єдинороднаго Сина Твоего, с ним же благословен єси, со пресвятим і благим і животворящим Твоїм Духом, нині і присно і во віки віков.
  Хор: Амінь.
  Люди клякають.
  Воньмім. Святая святим.
Служачий дзвонить три рази по три.
Хор: Єдин свят, єдин Господь, Ісус Христос, во славу Бога Отца. Амінь.
Хор співає Причастен. Коли священик причащається Пресв. Крови, служачий дзвонить раз.
Со страхом Божіїм, вірою і любовію приступіте.
Служачий дзвонить три рази.
Хор: Благословен грядий во імя Господнє, Бог Господь і явися нам.
Вірні приступають до Св. Причастія.
Священик:
Вірую Господи, і ісповідую, яко Ти єси воістину Христос Син Бога живаго, пришедий в мір грішния спасти, от нихже первий єсьм аз.
Вечери Твоєя тайния днесь, Сине Божій, причастника мя прийми, не бо врагом Твоїм тайну повім, ні лобзанія Тебі дам яко Юда, но яко разбойник ісповідаюся Тебі:
Помяни мя, Господи, єгда прийдеш во царствії Твоем.
Помяни мя, Владико, єгда прийдеши во царствії Твоем.
Помяни мя, Святий, єгда прийдеши во царствії Твоем.
Да не в суд іли в осужденіє будет мні причастіє Святих Твоїх Тайн, Господи, но во ісціленіє души і тіла моего і в жизнь вічную. Амінь.
(Після місцевого звичаю вірні можуть відмовити цю молитву:
Вірую Господи і ісповідую, яко сіє, єже приемлю, воістинну єсть істинноє самое пречистое Тіло Твоє, і істинная самая животворящая Кров Твоя: яже, молюся, сподоби мя достойно пріяти, во оставленіє всіх гріхов моїх, і в жизнь вічную. Амінь).
Боже, милостив буди мні грішному.
Боже, очисти гріхи моя і помилуй мя.
Без числа согріших, Господи, прости мя.
Після Св. Причастія священик співає:
Спаси, Боже, люди Твоя і благослови достояніє Твоє.
Служачий дзвонить три рази.
Хор: Видіхом світ істинний, пріяхом Духа небеснаго, обрітохом віру істинную,
нераздільній Святій Тройці покланяємся, Та бо нас спасла єсть.
Священик (тихо):
Благословен Бог наш.
А обернувшися до людей, голосно:
Всегда, нині і присно і во віки віков.
Хор: Амінь.
Служачий дзвонить три рази по три, вливає до чаші вино, а потім зливає на пальці священика вино й воду.
В тім часі хор співає:
Да ісполнятся уста наша хваленія Твоего, Господи, яко да поем славу Твою, яко сподобил єси нас причаститися Святим Твоїм, божественним, безсмертним і животворящим Тайнам: соблюди нас во Твоей святині вся дни поучатися правді Твоей. Аллилуя, аллилуя, аллилуя.
Священик:
Прості, приїмше божественния, святия, пречистия, безсмертния, небесния і животворящия, страшния Христови Тайни, достойно благодарім Господа.
Хор: Господи, помилуй.
Заступи, спаси, помилуй і сохрани нас, Боже, Твоєю благодатію.
Хор: Господи, помилуй.
Дне всего совершенна, свята, мирна і безгрішна іспросивше, самі себе і друг друга, і весь живот наш Христу Богу предадім.
Хор: Тебі, Господи.
Священик молиться тихо, а потім співає:
Яко Ти єси освященіє наше, і Тебі славу возсилаєм, Отцу і Сину і Святому Духу, нині і присно і во віки віков.
Хор: Амінь.
Со миром ізидім.
Хор: О імени Господни.
Господу помолімся.
Хор: Господи, помилуй.
Благословляяй благословящия Тя, Господи, і освящаяй на Тя уповающия, спаси люди Твоя, і благослови достояніє Твоє, ісполненіє Церкве Твоєя сохрани, освяти любящия благоліпіє дому Твоего: Ти тіх возпрослави божественною силою Твоєю, і не остави нас, уповающих на Тя. Мир мірови Твоєму даруй, церквам Твоїм, Ієреєм, Імператору (Королю) нашему (або: предержащим властем нашим), і всім людем Твоїм. Яко всяко даяніє благо, і всяк дар совершен свише єсть, сходяй от Тебе Отца світов: і Тебі славу, і благодареніє) ; поклоненіє возсилаєм, Отцу і Сину і Святому Духу, нині і присно і во віки віков
Хор: Амінь.
А опісля співає:
Буди ім'я Господнє благословенно от нині і до віка (3).
Священик молиться опісля обертається до людей і благословить співаючи:
† Благословеніє Господнє на вас, Того благодатію і человіколюбієм всегда, нині і присно і во віки віков.
Хор: Амінь.
Премудрость.
Хор: Честнійшую Херувим і славнійшую без сравненія Серафцм, без істлінія Бога Слова рождшую, сущую Богородицу тя величаєм.
Слава Тебі, Христе Боже, упованіє наше, слава Тебі.
Хор: Слава... І нині... Господи, помилуй (3). Благослови.
(Воскресий із мертвих) ) Христос істинний Бог наш, молитвами Пречистия своєя Матере, святих славних і всехвальних Апостол, іже во святих Отца нашего Іонна Златоустаго, архиепископа Константина града: і святаго (ім'я котрого є храм, і котрого є день), і всіх святих, помилует і спасет нас, яко благ і человіколюбец. 
Хор: Амінь.

†
МОЛИТВИ,
які за наказом св. Отця Льва XIII Папи Римського, належить відмовляти з коліноприклоненням в усіх церквах світу по читаній Службі Божій:

Богородице Діво, радуйся обрадованная Маріє, Господь с Тобою, благословенна Ти в женах і благословен Плод чрева Твоего, яко родила еси Христа Спаса Ізбавителя душам нашим. (3)
Радуйся Царице, Мати Милосердія, животе і сладосте і надеждо наша, радуйся. Ко Тебі вопієм, ізгнаннії синове Евини, ко Тебі воздихаєм, стеняще і плачуще на сей юдоли слез: тімже убо Предстательнице наша, оная Твоя милосердная очеса ко нам обрати, Ісуса, благословенний плод чрева Твоего, нам по сем ізгнанії покажи, о щедрая, о милостивая, о сладкая Діво Маріє.
Господу помолімся.
Господи, помилуй.
Боже, прибіжище наше і сило, призри милостивно на люди, ко Тебі вопіющия, і предстательствующи славній і Непорочній Діві Богородиці Марії, со святим Йосифом, єя Обручником, і святими Апостолами Твоїми Петром і Павлом, і всіми святими: мольби, яже о обращенії грішников, о свободі і возвишенії святия Матере Церкве ізливаєм, яко благ і человіколюбец услиши: милостію і щедротами єдинороднаго Сина Твоего, с нимже благословен єси со пресвятим, благим і животворящим Твоїм Духом, нині і присно і во віки віков. Амінь.
Святий Михаїле Архангеле, буди нам защитник во брани, поборник против злоби і козній диявола. Да запретит ему Бог, умильно просим: ти же воїнств небесних Архистратиже, сатану і іния злобния духи на погибель душ во мірі шатающияся божественною силою в ад низвержи.
(300 днів відпусту за відмовлення сих молитов на переміну зі священиком по Службі Божій).

ВИСТАВЛЕННЯ НАЙСВЯТІШИХ ТАЙН
Священик: О Спасительная Жертва!
Вірні: Небесную двер отверзающая; брань востаєт вражія, подаждь кріпость і помощ.
Священик: Єдиному во Тройці Господеви.
Вірні: Да будет вічная слава, іже живот вічний дарует нам во Царствії Своем.
Амінь.

Суплікація
Священик: Святий Боже, Святий кріпкий, Святий безсмертний, помилуй нас.
Вірні: Святий Боже, Святий кріпкий, Святий безсмертний, помилуй нас.
Наступні благання священик співає з вірними напереміну.
От повітря, глада, огня і войни ізбави нас, Господи (2).
От наглия і несподівания смерти сохрани нас, Господи (2).
Ми, грішнії, Тебе Бога просим — услиши нас, Господи (2).
Ми, грішнії, Тебе Бога просим — прости нам, Господи (2).
Ми, грішнії, Тебе Бога просим — помилуй нас, Господи (2).
О Ісусе, о Ісусе, о Ісусе, Сине Бога Вишняго, — умилосердися над нами (2).
О Маріє, о Маріє, о Маріє, Діво й Мати Божая, — причинися за нами (2).
О святий Йосифе, покровителю Святої Католицької Церкви, моли Бога о нас, грішних (2).
О святий Архистратиже Михаїле і всі небеснії сили, моліть Бога о нас, грішних (2).
О святі Верховнії Апостоли Петре і Павле, моліть Бога о нас, грішних (2). О святий священномучениче Христов Йосафате, моли Бога о нас, грішних (2).
О Святі і Блаженні українського народу, моліть Бога о нас, грішних (2).
Священик обертається з Найсвятішими Тайнами до людей і співає:
Спаси люди Твоя, Господи!
Вірні: Спаси люди Твоя, Господи!
Священик: Спаси люди Твоя, Господи!
Вірні: Спаси люди Твоя, Господи!
Священик: Спаси люди Твоя, Господи, і благослови і достояніє Твоє!
Священик благословить людей Найсвятішими Тайнами, а вірні
співають:
І ісправи я і вознеси я во віки. Во вся дни благословим Тебе і восхвалим ім'я Твоє во віки і во вік віка. Сподоби, Господи, в день (або вечер) сей без гріха сохранитися нам. Умилосердися, Господи, над нами, умилосердися над нами. Да будет милосердіє Твоє, Господи, над нами, якоже уповахом на Тя. На Тя, Господи, уповахом, да не постидимся во віки. Амінь.